ف الشقه

بعد شوية الممرضه جت ليها..

_دكتورة رحمه المدير طالبك في مكتبه

اتنهدت بتعب وقامت وراحت للمدير اللى متأكده أنه هيشيلها كل الذنب..

دخلت بتوتر بعد ما خبطت واذنلها بالدخول:اوامرك يا دكتور..

_طبعا انتى عارفه اللي حصل

_يا دكتور والله أنا اتفاجئت

_المريض هربان يا دكتورة المريض هربان واهله قالبين الدنيا ومش هيسكتو لأن حالته صعبه زي مانتى عارفه

رحمة بقوة:لا هوا مش مريض وعارف كويس هوا بيعمل اي وأهله اللي بتتكلم عليهم دول هم السبب في كل اللى حصل ..

الدكتور بقوة:والله أنا ليا الاوراق اللي قدامى وتثبت دا وانا مش عوزا احمل عليكى ولا اتصرف تصرف ميعجبكيش ،ومقدر انك لسه متخرجه جديد ومش فاهمه الحاجات دي .

_مش فاهمه اي يا دكتور أنا بقول لحضرتك آسر دا عاقل جدا ومفيهوش اي حاجه واهلو السبب في كل اللي حصله دا وانا واجبى كدكتورة انى اكون مع المريض وفي صفه بغض النظر عن عيلته أو غيرهم…

_وانا قولت اللى عندي يا دكتورة وعاوزك تشيلي ايدك من الموضوع دا نهائي

_بس

_انتى محوله للتحقيق يا دكتورة اتفضلي..

رحمه بصتله بعصبية وخرجت ..

 

خرجت من المستشفى كلها وروحت بيتها..

دخلت البيت وكانت امها قاعده مكانها ..

_مين!!

_انا يا امى ..

رحمه قربت منها وقعدت قصادها وباست ايديها:عامله اي يا امى ..

_عامله اي يا بنتى كل الايام بقت شبه بعضها بعد اللى حصل لاخوكى وانت*حار ابوكى بعدها وزي مانتى شايفه أنا مش شايفه حاجه علشان احدد ..

رحمة دمعت :ربنا يرحمه يا ماما وربنا يسامحه اللى كان السبب في كل دا ..

_يارب يا بنتى قومى غيري هدومك وتعالى احكيلي اللي حصل علشان شكلك تعبانه..

_عرفتى منين

_يبت انتى بنتى يعنى حته منى وبحس بيكي

رحمة باست ايديها:ربنا يديمك في حياتى يارب..

 

رحمه دخلت اوضتها وقعدت مكانها تفكر ..

وفجأه قامت من مكانها بسرعه:لقيتها..

خدت شنطتها وخرجت وقالت لأمها انها خارجه ..

نزلت خدت تاكس ووصلت للمقابر..

نزلت من العربيه ودخلت المقابر وكانت ماشيه بخوف أثر اصوات الد*ياب حواليها ..

كانت ماشيه بتدور بعنيها في المكان ..

وافتكرت كلامه ليها أنه أول ما هيخرج من المستشفى هيروح المقا*بر يقعد مع مراته وابنه..

وهى واقفه فاجئه لقت حاجه تقيله بتقع على دماغها…

وقعت على الأرض وأغمى عليها

صحيت من النوم لقت نفسها في اوضة كبيرة لفت بعنيها في المكان لكن اتفاجئت لما سمعت صوته

_صباح الخير..

_انت!

 

#يارا_عبد_السلام#في_مستشفى_الامراض_العقليه

#التالت_والاخير

 

صحيت من النوم لقت نفسها في اوضة كبيرة لفت بعنيها في المكان لكن اتفاجئت لما سمعت صوته

_صباح الخير..

_انت!

آسر قام من مكانه بهدوء تام وقرب منها :ايوا أنا أسر السويسي ،ووقف فجأه ولف قدامها وشاور على الأوضة صاحب القصر اللي قدامك دا اللى أنا جزء منه وانتى كمان بقيتي جزء منه ..

رحمه :انت انت ازاي كدا أنا مش فاهمه حاجه

بصلها بخبث:اممم يمكن علشان انتى هبلة …اى جابك ورايا يا دكتورة..واتكلم بعصبية:مكنتش انصحك تيجي ورايا ولا تدوري عليا خالص انتى دلوقتي حكمتى على نفسك بالح*بس هنا اممم معايا طبعا..

_انا مجتش وراك أنا كنت جايه اشوفك بس الظاهر انك طلعت بتلعب بيا وبينا كلنا..وحطتنى أنا في مشكله مش قدها لى عملت كدا..

_علشان لقيت دكتورة هبله صدقت قصة تافهه ومن غباءها ساعدتنى بطريقه غير مباشرة اهرب من المستشفى..

_طب واهلك

بصلها باستهزاء:اهلى اي دول ناس شغاله عندى عادى والى شوفتيه دا كله جزء من تمسليه ..

_انت مين بالظبط..

_قولتلك قبل كدا يا دكتورة أنا آسر السويسي صاحب القصر دا ومالك المستشفى اللي بتشتغلى فيها ها اي رايك…

رحمه بخوف:ارجوك مت*قـ,ـتلنيش ..

آسر بصلها باستغراب :اقت*لك انتى مجنونه

_امال انت خطفتنى لى

قرب منها:علشان اديكى درس تحرمى تمشي ورايا تاني ..

_طيب هتعمل اي

_مش دلوقتي بعدين كفاية حبستك هنا..

ولف وشه وخرج من الأوضه

*أنا اي اللى عملته في نفسي دا ،دا شكله طلع مريض فعلا..وافتكرت امها فاتنهدت بحزن :يارب تكون خالتو معاها وواحده بالها منها ..

 

فضلت قاعده في الاوضه اسبوع وكل يوم كان بيدخل يحطلها اكل ويخرج من غير كلام ..

_حلوه حياة المخطوفين دي والله..

فجأه سمعت ضرب نار برا فخافت وقامت مفزوعه..

لقته داخل عليها بسرعه وبيسحبها وراه لحد ما وصلو لنفق كبير وهوا ساحبها وراه لحد ما وصلوا لحفره وهوا نزل وشدها فضلت تقاوم فيه لحد ما كانت رجلها هتتزحلق من على السرير وقامت مفزوعه..

_لا يا أسر سيبنى سيبنى (ايوا كانت بتحلم 👀😂)

آسر صحى على صوتها ودا بيكون جوزها

وقال بتذمر:تانى يا رحمه تاني كوابيس تاني لا انتى استقيلي من ام الشغلانه دي بقى شكل المجانين اثروا عليكى..

رحمه اتنهدت:اسكت يا أسر المره دي كان حلم غريب اووي حلمت انك مريض نفسانى وخطفتنى وبابا شرير وماما عاميه وحوار..

آسر سقف بايده بقلة حيلة:حسبي الله في المستشفى العيانين والدكاتره مـ,ـوتى ابوكى وعاميتى امك يا رحمه وانا خلتيني مريض ..

رحمه ببراءه:اممم مهو الحلم كان كدا اعمل اي يعنى امنعه..

_لا متمنعيهوش سيبي الشغل دا بقى ابوس ايدك أنا خايف الواد اللى في بطنك يطلع مجنون بسببك..

حسست على بطنها المنتفخه في أوائل التاسع..

:أنا مش عارفه اي الحاجات الغريبه اللي بتجيلي دا يا أسر والله ..

بصت على الساعه ولقيتها ٨ بص قوم البس وروح شغلك وانا هنام تصبح على خير

_مش شاطره الا انك تخضينى بس كل يوم كدا يشيخه حسبي الله …

وقام علشان يلبس ويروح الشغل..

وهى اتصلت بأمها وأخوها وأبوها وحكتلهم على اللى حصل وعلى رد فعل أسر وكلهم ضحكوا عليها وعلى اللى بتعمله في جوزها ..

وأخوها قالها:والله الواد دا لو انتـ,ـحر هيبقى بسببك